حضرت عامر فرماتے ہیں کہ جب مرتہن رہن پر قبضہ کرلے، پھر راہن فوت ہوجائے اور اس پر قرضہ ہو تو وہ باقی قرض خواہوں سے زیادہ حق دار ہے۔ [مصنف ابن ابي شيبه/كتاب البيوع والأقضية/حدیث: 24426]

حضرت عطاء، حضرت سالم اور حضرت عامر سے اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 24427]

حضرت حکم سے دریافت کیا گیا کسی شخص نے رہن رکھوایا پھر وہ فوت ہوگیا، اور رہن کے علاوہ کوئی اور مال نہیں چھوڑا، اور اس پر رہن کے علاوہ بھی قرضہ ہے؟ آپ نے فرمایا: میت کے قرض خواہوں میں سے رہن کا زیادہ حق دار مرتہن ہے۔ [مصنف ابن ابي شيبه/كتاب البيوع والأقضية/حدیث: 24428]

حضرت حسن فرماتے ہیں کہ اگر رہن پر قبضہ ہو اور اس کا مالک فوت ہوجائے یا مفلس ہوجائے تو جس کا قبضہ ہے وہ زیادہ اس کا حق دار ہے اور اگر قبضہ نہ ہو تو وہ قرض خواہوں میں تقسیم ہوگا۔ [مصنف ابن ابي شيبه/كتاب البيوع والأقضية/حدیث: 24429]