حضرت عبد اللہ سے روایت ہے۔ کہتے ہیں کہ رسول اللہ صلی اللہ علیہ وآلہ وسلم ڈورے باندھنے کو ناپسند سمجھتے تھے۔ [مصنف ابن ابي شيبه/ كتاب الطب/حدیث: 25000]

حضرت عبد اللہ بن حکیم سے روایت ہے۔ کہتے ہیں کہ رسول اللہ صلی اللہ علیہ وآلہ وسلم نے ارشاد فرمایا: ”جس نے کوئی چیز: دھا کہ وغیرہ لٹکائی تو وہ اسی کے سپرد کردیا جاتا ہے“۔ [مصنف ابن ابي شيبه/ كتاب الطب/حدیث: 25001]

حضرت ابو عبیدہ سے روایت ہے۔ کہتے ہیں کہ حضرت عبد اللہ، اپنی بیوی کے پاس گئے اور وہ (اس وقت) بامجر تھیں۔ حضرت عبد اللہ کو ان کی گردن میں ایک دھاگہ لٹکا ہوا نظر آیا تو آپ نے پوچھا۔ یہ کیا ہے؟ بیوی نے جواب دیا۔ یہ ایسی چیز ہے جس میں بخار کا دم کان گیا ہے۔ پس حضرت عبد اللہ نے اس کو توڑ دیا اور فرمایا۔ بیشک آل ابراہیم شرک سے بری ہیں۔ [مصنف ابن ابي شيبه/ كتاب الطب/حدیث: 25002]

حضرت ابراہیم سے روایت ہے۔ کہتے ہیں کہ حضرت ابن مسعود نے اپنے بعض اہل خانہ پر کوئی چیز لٹکی ہوئی دیکھی تو آپ نے اس کو غصہ سے کھینچ دیا اور فرمایا: بیشک ابن مسعود کے گھر والے شرک سے بےپرواہ ہیں۔ [مصنف ابن ابي شيبه/ كتاب الطب/حدیث: 25003]

حضرت عمران بن حصین کے بارے میں روایت ہے کہ انہوں نے ایک آدمی کے ہاتھ میں پیتل کا کڑا دیکھا۔ تو آپ نے (اس سے) پوچھا۔ یہ کیا ہے؟ اس آدمی نے جواب دیا۔ یہ واہنہ (بازو کی بیماری) کی وجہ سے پہنا ہے۔ آپ نے فرمایا: یہ تو تم میں ضعف کو مزید بڑھائے گا۔ اور اگر تم اس حالت میں مرے کہ تم اس کو نافع خیال کرتے ہو تو یقینا تم خلاف فطرت موت مرو گے۔ [مصنف ابن ابي شيبه/ كتاب الطب/حدیث: 25004]

حضرت حسن نے حضرت عمران بن حصین سے ایسی ہی روایت نقل کی ہے۔ [مصنف ابن ابي شيبه/ كتاب الطب/حدیث: 25005]

حضرت زید سے روایت ہے کہتے ہیں: کہ مجھے زید بن وہب نے بتایا کہ حضرت حذیفہ رضی اللہ عنہایک آدمی کی بلغم کی مرض میں عیادت کرنے کے لئے گئے۔ وہ چلے تو میں بھی ان کے ہمراہ چل پڑا۔ پس وہ اس کے پاس پہنچے تو میں بھی اس کے پاس پہنچ گیا۔ پھر حضرت حذیفہ رضی اللہ عنہ نے اس کی کلائی کو چھوا تو اس میں انہوں نے ایک دھاگہ دیکھا۔ آپ نے اس دھاگہ کو پکڑا اور توڑ دیا۔ پھر آپ نے فرمایا۔ اگر تم اس حالت میں مرجاتے کہ یہ دھاگہ تمہاری کلائی میں ہوتا تو میں تمہارا جنازہ نہ پڑھتا۔ [مصنف ابن ابي شيبه/ كتاب الطب/حدیث: 25006]

حضرت حذیفہ رضی اللہ عنہ سے روایت ہے۔ کہتے ہیں کہ حضرت علی رضی اللہ عنہایک آدمی کے پاس اس کی عیادت کے لئے تشریف لے گئے۔ تو آپ نے اس کی کلائی میں دھاگہ دیکھا۔ آپ نے پوچھا۔ یہ کیا ہے؟ اس نے جواب دیا۔ یہ ایک دھاگہ ہے جس میں مجھے دم کر کے دیا گیا ہے۔ اس پر حضرت علی رضی اللہ عنہ نے اس کو توڑ دیا۔ پھر فرمایا: اگر تم مرجاتے تو میں تمہارا جنازہ نہ پڑھتا۔ [مصنف ابن ابي شيبه/ كتاب الطب/حدیث: 25007]

حضرت عبد اللہ کے بارے میں روایت ہے کہ وہ قرآن مجد میں سے بھی کچھ (آیت وغیرہ) لٹکانے کو ناپسند کرتے تھے۔ [مصنف ابن ابي شيبه/ كتاب الطب/حدیث: 25008]

حضرت عقبہ بن عامر سے روایت ہے۔ کہتے ہیں کہ انسان اور بچے کے تعویذ کی جگہ شرک (کا ذریعہ) ہے۔ [مصنف ابن ابي شيبه/ كتاب الطب/حدیث: 25009]