حضرت ابراہیم کے بارے میں روایت ہے کہ ان سے ایک آدمی کے بارے میں پوچھا گیا جو آدمی کوفہ میں تھا اور ڈرے ہوئے لوگوں کو قرآن کی آیات لکھ کردیتا اور پھر ان آیات کو وہ مریض کو پلاتا تھا؟ تو حضرت ابراہیم نے اس کو پسند نہیں فرمایا۔ [مصنف ابن ابي شيبه/ كتاب الطب/حدیث: 25059]

حضرت حکم بن عطیہ سے روایت ہے۔ کہتے ہیں کہ میں نے حضرت حسن کو سُنا جبکہ ان سے آسیب کے تعویذات کے بارے میں پوچھا گیا؟ تو انہوں نے جواب دیا۔ یہ جادو ہے۔ [مصنف ابن ابي شيبه/ كتاب الطب/حدیث: 25060]

حضرت ابو رجاء سے روایت ہے۔ کہتے ہیں کہ میں نے حضرت حسن سے آسیب کے تعویذات کے بارے میں سوال کیا؟ تو انہوں نے میرے سامنے نبی کریم صلی اللہ علیہ وآلہ وسلم سے متصل ایک حدیث ذکر فرمائی کہ آپ صلی اللہ علیہ وآلہ وسلم نے ارشاد فرمایا: ”یہ اعمال شیطانیہ میں سے ہے۔“ [مصنف ابن ابي شيبه/ كتاب الطب/حدیث: 25061]