حضرت جابر سے روایت ہے کہ رسول اللہ صلی اللہ علیہ وآلہ وسلم نے حضرت ابی ّ بن کعب کی طرف ایک طبیب بھیجا۔ اس نے حضرت ابی کی رگ کاٹ دی اور اس نے اس رگ پر داغ دیا۔ [مصنف ابن ابي شيبه/ كتاب الطب/حدیث: 25176]

حضرت عمران بن حصین کے بارے میں روایت ہے کہ انہوں نے رگوں کو کاٹا۔ [مصنف ابن ابي شيبه/ كتاب الطب/حدیث: 25177]

حضرت ابو مکین سے روایت ہے کہ میں نے حضرت ابن سیرین کو اپنے پانی کے پاس دیکھا تو میں نے ان سے پوچھا۔ آپ یہاں کیا کر رہے ہیں؟ انہوں نے جوا ب میں کہا۔ میں اپنے برادرزادہ کی فلاں رگ کو کاٹ رہا ہوں۔ [مصنف ابن ابي شيبه/ كتاب الطب/حدیث: 25178]

حضرت عبد الملک بن ابی سلیمان سے روایت ہے، کہتے ہیں کہ میں نے حضرت مجاہد کو کہتے سُنا کہ میری ایک رگ یا کئی رگیں کٹی ہوئی ہیں۔ [مصنف ابن ابي شيبه/ كتاب الطب/حدیث: 25179]

حضرت سعد بن ابراہیم سے روایت ہے، کہتے ہیں کہ میں نے حضرت عروہ کو دیکھا کہ انہیں یہ بیماری لگ گئی تھی …یعنی عضو کو ختم کردینے والی بیماری … تو انہوں نے اپنا پاؤں ٹخنہ سے کٹوا دیا تھا۔ [مصنف ابن ابي شيبه/ كتاب الطب/حدیث: 25180]

حضرت عامر سے روایت ہے، کہتے ہیں کہ رگ پر ہاتھ پھیر کر صاف کیا جائے گا۔ [مصنف ابن ابي شيبه/ كتاب الطب/حدیث: 25181]