حضرت ابوہریرہ سے روایت ہے کہ جناب رسول اللہ صلی اللہ علیہ وآلہ وسلم نے (جنگ) خیبر کے دن پالتو گدھوں کو حرام قر ار فرمایا۔ [مصنف ابن ابي شيبه/كتاب الأطعمة/حدیث: 25923]

حضرت ابو سعید خدری، جناب نبی کریم صلی اللہ علیہ وآلہ وسلم سے روایت کرتے ہیں کہ آپ صلی اللہ علیہ وآلہ وسلم کچھ ہانڈیوں کے پاس سے گزرے جو کہ ابل رہی تھیں۔ تو آپ صلی اللہ علیہ وآلہ وسلم نے ہم سے فرمایا: ”یہ کون سے گدھے ہیں: پالتو یا وحشی؟“ ہم نے کہا۔ نہیں یہ تو پالتو گدھے ہیں۔ آپ صلی اللہ علیہ وآلہ وسلم نے فرمایا ”پھر تم ان ہانڈیوں کو الٹ دو۔“ راوی کہتے ہیں۔ پس ہم نے ان کو الٹ دیا۔ حالانکہ ہم سخت بھوک میں تھے۔ اور ہمیں اس کھانے کی چاہت بھی تھی۔ [مصنف ابن ابي شيبه/كتاب الأطعمة/حدیث: 25924]

حضرت سعید بن جبیر سے روایت ہے۔ وہ کہتے ہیں کہ ان گدھوں کا گوشت اور ان کا دودھ حرام ہے۔ [مصنف ابن ابي شيبه/كتاب الأطعمة/حدیث: 25925]