حضرت معدان بن ابی طلحہ سے روایت ہے کہ حضرت عمر بن خطاب نے ارشاد فرمایا۔ تم لوگ دو درخت ایسے کھاتے ہو جن کو میں گندا سمجھتا ہوں۔ یہ تھوم اور پیاز ہے۔ میں تو جناب نبی کریم صلی اللہ علیہ وآلہ وسلم کے عہد مبارک میں اس آدمی کو دیکھتا کہ جس سے اس کی بُو آتی ہوتی تھی کہ اس کو ہاتھ سے پکڑا جاتا اور اس کو بقیع کی طرف باہر نکال دیا جاتا۔ پھر بھی تم میں سے جو اس کو ناگزیر طور پر کھائے تو اس کو چاہیئے کہ وہ ان (کی بو) کو پکا کر مار ڈالے۔ [مصنف ابن ابي شيبه/كتاب الأطعمة/حدیث: 26082]

حضرت ابو رہم سماعی سے روایت ہے کہ حضرت ابو ایوب نے انہیں جناب نبی کریم صلی اللہ علیہ وآلہ وسلم کے حوالہ سے بیان کیا کہ آپ صلی اللہ علیہ وآلہ وسلم نے ارشاد فرمایا: ”اس میں (کھانے میں) پیاز ہے لیکن تم اس کو کھالو۔ اور میں اس کے کھانے کو اس (فرشتہ) کی وجہ سے ناپسند کرتا ہوں۔ البتہ تم کھا سکتے ہو۔“ [مصنف ابن ابي شيبه/كتاب الأطعمة/حدیث: 26083]

حضرت ہشام، حضرت حسن کے بارے میں روایت کرتے ہیں کہ وہ تھوم، پیاز اور کراث کے کھانے کے ناپسند کرتے تھے۔ [مصنف ابن ابي شيبه/كتاب الأطعمة/حدیث: 26084]

حضرت حسن سے روایت ہے، وہ کہتے ہیں کہ مجھے یہ بات خوش نہیں کرتی کہ میں اس کو (یعنی تھوم کو) کھاؤں اور نہ یہ بات کہ مجھے اس کے ہموزن سونا ملے۔ [مصنف ابن ابي شيبه/كتاب الأطعمة/حدیث: 26085]