حضرت عائشہ رضی اللہ عنہا سے روایت ہے وہ کہتی ہیں کہ ہم ایسے کپڑے نہیں پہنتے جن میں صلیب بنی ہوئی ہو۔ [مصنف ابن ابي شيبه/كتاب اللباس/حدیث: 26405]

حضرت ابو الجحاف سے روایت ہے وہ کہتے ہیں کہ میں نے حضرت ابو جعفر سے اپنے ایک تابوت کے بارے میں سوال کیا جس میں تصویریں تھیں؟ تو انہوں نے فرمایا: مجھے اس آدمی نے یہ بات بتائی جس نے خود حضرت عمر کو دیکھا کہ آپ نے ایسے کپڑے کو جلا دیا جس میں صلیب بنی ہوئی تھی۔ آپ اس سے صلیب کو نکال رہے تھے۔ [مصنف ابن ابي شيبه/كتاب اللباس/حدیث: 26406]

حضرت محمد سے روایت ہے کہ جناب رسول اللہ صلی اللہ علیہ وآلہ وسلم نے اپنی ازواج مطہرات میں سے کسی پر ایک پردہ دیکھا جس میں صلیب بنی ہوئی تھی، چناچہ آپ صلی اللہ علیہ وآلہ وسلم نے حکم فرمایا اور اس کو کاٹ دیا گیا۔ [مصنف ابن ابي شيبه/كتاب اللباس/حدیث: 26407]