حضرت طارق سے روایت ہے۔ وہ کہتے ہیں کہ حضر ت علی رضی اللہ عنہ نے ہمیں خطبہ ارشاد فرمایا اور ان پر ایک تلوار تھی جس کا زیور لوہے کا تھا۔ [مصنف ابن ابي شيبه/كتاب اللباس/حدیث: 26824]

جناب نبی کریم صلی اللہ علیہ وآلہ وسلم کے صحابی، حضرت ابو امامہ باہلی سے روایت ہے۔ وہ کہتے ہیں کہ تحقیق کچھ ایسے لوگوں نے بہت سی فتوحات حاصل کیں جن کی تلواروں کا زیور سونا اور چاندی نہیں ہوتا تھا بلکہ ان کی تلوار کا زیور پٹیاں، سیسہ اور لوہا ہوتا تھا۔ [مصنف ابن ابي شيبه/كتاب اللباس/حدیث: 26825]