حضرت عاصم اور حضرت حماد دونوں حضرات بالترتیب فرماتے ہیں کہ حضرت ابن سیرین اور حضرت ابراہیم ان دونوں حضرات نے ارشاد فرمایا: جب تو یوں کہے حیَّاک اللہ۔ اللہ تجھے زندہ رکھے۔ تو تم اس کے ساتھ سلام بھی کرو۔ [مصنف ابن ابي شيبه/ كتاب الأدب/حدیث: 27429]

حضرت عبد الحمید فرماتے ہیں کہ حضرت حسن بصری یوں کہنے کو مکروہ سمجھتے تھے: حَیَّاک اللَّہُ۔ مگر یہ کہ وہ سلام بھی کہے۔ [مصنف ابن ابي شيبه/ كتاب الأدب/حدیث: 27432]

حضرت محمد بن سوقہ فرماتے ہیں حضرت میمون بن مہران ہمارے پاس تشریف لائے تو ایک آدمی نے ان سے یوں کہا: حَیَّاک اللَّہُ۔ اللہ آپ کو زندہ رکھے۔ آپ نے فرمایا: ایسے مت کہو۔ یہ تو نوجوانوں کا سلام ہے۔ لیکن یوں کہو۔ حَیَّاکُمَ اللَّہُ بِالسَّلاَمِ۔ [مصنف ابن ابي شيبه/ كتاب الأدب/حدیث: 27433]

حضرت اعمش فرماتے ہیں کہ حضرت ابراہیم نے ارشاد فرمایا: صحابہ پسند کرتے تھے کہ جب ایک آدمی کسی آدمی کو یوں کہے، حَیَّاک اللَّہُ۔ تو وہ سلام بھی ساتھ کہے۔ [مصنف ابن ابي شيبه/ كتاب الأدب/حدیث: 27434]