حضرت حبیب فرماتے ہیں کہ میں نے حضرت ابو قلابہ سے سوال کیا؟ تو آپ نے فرمایا: ”زعموا“۔ [مصنف ابن ابي شيبه/ كتاب الأدب/حدیث: 27464]

حضرت قرہ فرماتے ہیں کہ میں نے حضرت حسن کو بارہا یوں فرماتے ہوئے سنا: ”زعموا واللّٰہ“۔ [مصنف ابن ابي شيبه/ كتاب الأدب/حدیث: 27465]

حضرت ثابت فرماتے ہیں کہ میں نے حضرت ابن عمر رضی اللہ عنہما سے پوچھا: کیا گھڑوں میں بنی ہوئی نبیذ سے منع کیا گیا ہے؟ تو آپ نے فرمایا: ان لوگوں نے یوں کہا اور لفظ ”زعموا“ کا استعمال فرمایا۔ راوی کہتے ہیں: میں نے پوچھا: کیا آپ نے یہ رسول اللہ صلی اللہ علیہ وآلہ وسلم سے سنا ہے؟ آپ نے فرمایا: ان لوگوں نے یوں کہا ہے۔ اور لفظ ”زعموا“ کا آپ نے استعمال فرمایا۔ [مصنف ابن ابي شيبه/ كتاب الأدب/حدیث: 27466]

حضرت مغیرہ فرماتے ہیں کہ حضرت ابراہیم سے کسی چیز کے بارے میں سوال کیا جاتا؟ تو آپ فرماتے: ان لوگوں نے یوں کہا: اور لفظ ”زعموا“ کا استعمال فرماتے۔ [مصنف ابن ابي شيبه/ كتاب الأدب/حدیث: 27467]

حضرت ابن عون فرماتے ہیں کہ میں نے حضرت قاسم سے اس آدمی کے بارے میں سوال کیا جو سواری پر وتر پڑھ لے؟ آپ نے فرمایا: لوگ یوں کہتے ہیں کہ حضرت ابن عمر رضی اللہ عنہما زمین پر وتر پڑھتے تھے اور آپ نے لفظ ”زعموا“ کا استعمال فرمایا۔ [مصنف ابن ابي شيبه/ كتاب الأدب/حدیث: 27468]