حضرت ابن عمر رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: تم لوگ سوتے وقت اپنے گھروں میں آگ کو جلتا ہوا مت چھوڑو۔ [مصنف ابن ابي شيبه/ كتاب الأدب/حدیث: 27591]

حضرت ابوبردہ فرماتے ہیں کہ حضرت ابو موسیٰ نے ارشاد فرمایا: مدینہ میں ایک گھر جل گیا تو نبی کریم صلی اللہ علیہ وآلہ وسلم کو ان گھرو الوں کی حالت بیان کی گئی۔ آپ صلی اللہ علیہ وآلہ وسلم نے فرمایا: بیشک آگ تمہاری دشمن ہے، پس جب تم سونے لگو تو اس کو بجھا دو۔ [مصنف ابن ابي شيبه/ كتاب الأدب/حدیث: 27592]

حضرت جابر فرماتے ہیں کہ رسول اللہ صلی اللہ علیہ وآلہ وسلم نے ہمیں کچھ حکم ارشاد فرمایے اور چند باتوں سے منع فرمایا: آپ صلی اللہ علیہ وآلہ وسلم نے ہمیں حکم دیا کہ ہم اپنے چراغوں کو بجھا دیا کریں۔ [مصنف ابن ابي شيبه/ كتاب الأدب/حدیث: 27593]

حضرت عبدالملک فرماتے ہیں کہ حضرت عطاء چراغ کو صبح تک جلتا ہوا چھوڑ دینے کو مکروہ سمجھتے تھے۔ [مصنف ابن ابي شيبه/ كتاب الأدب/حدیث: 27594]

حضرت ابو سعید فرماتے ہیں کہ غزوہ حدیبیہ کے دن رسول اللہ صلی اللہ علیہ وآلہ وسلم نے ہمیں ارشاد فرمایا: تم رات کے وقت آگ مت جلاؤ، پھر آپ صلی اللہ علیہ وآلہ وسلم نے فرمایا: تم جلاؤ اور آگ بجھا دو۔ کیونکہ کوئی قوم تمہارے مد اور تمہارے صاع کو نہیں پا سکے گی۔ [مصنف ابن ابي شيبه/ كتاب الأدب/حدیث: 27595]

حضرت ابن عباس رضی اللہ عنہما فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا: جب تم سونے لگو تو آگ کو بجھا دو۔ [مصنف ابن ابي شيبه/ كتاب الأدب/حدیث: 27596]