حضرت جریری فرماتے ہیں کہ حضرت ابو العلائ نے ارشاد فرمایا: کسی بندہ کو اسلام کے بعد نیک عقل سے بڑھ کر افضل کوئی چیز عطا نہیں کی گئی۔ جس کے ذریعہ وہ رزق حاصل کرتا ہو۔ [مصنف ابن ابي شيبه/ كتاب الأدب/حدیث: 27619]

حضرت عامر فرماتے ہیں کہ حضرت عمر نے ارشاد فرمایا: آدمی کی خاندانی شرافت اس کا دین ہے اور اس کی مروت ا س کے اخلاق ہیں اور اس کا منبع اس کی عقل ہے۔ [مصنف ابن ابي شيبه/ كتاب الأدب/حدیث: 27620]

حضرت عمر کا مذکورہ ارشاد ا س سند سے بھی منقول ہے۔ [مصنف ابن ابي شيبه/ كتاب الأدب/حدیث: 27621]

حضرت منصور فرماتے ہیں کہ حضرت مجاہد نے ارشاد فرمایا: کہ آیت { فَإِنْ آنَسْتُمْ مِنْہُمْ رُشْدًا } میں عقل مراد ہے۔ [مصنف ابن ابي شيبه/ كتاب الأدب/حدیث: 27622]

حضرت عامر فرماتے ہیں کہ حضرت عمر نے ارشاد فرمایا: آدمی کی خاندانی شرافت اس کا دین ہے اور اس کی مروت اس کے اخلاق ہیں، اور اس کا منبع اس کی عقل ہے۔ [مصنف ابن ابي شيبه/ كتاب الأدب/حدیث: 27623]

حضرت قابوس کے والد فرماتے ہیں کہ حضرت ابن عباس رضی اللہ عنہما نے اللہ رب العزت کے اس قول { قَسَمٌ لِذِی حِجْرٍ } ترجمہ: قسم عقل مندوں کے لیے، کے بارے میں ارشاد فرمایا: دانش مند اور عقل والے مراد ہیں۔ [مصنف ابن ابي شيبه/ كتاب الأدب/حدیث: 27624]

حضرت عاصم فرماتے ہیں کہ حضرت عکرمہ نے اللہ رب العزت کے اس قول: { قَسَمٌ لِذِی حِجْرٍ } کے بارے میں ارشاد فرمایا: کہ دانش مند اور عقل مند لوگ مراد ہیں۔ [مصنف ابن ابي شيبه/ كتاب الأدب/حدیث: 27625]

حضرت ھلال بن خباب فرماتے ہیں کہ حضرت مجاہد نے اللہ رب العزت کے اس قول { قَسَمٌ لِذِی حِجْرٍ } کے بارے میں ارشاد فرمایا: کہ عقل مند لوگ مراد ہیں۔ [مصنف ابن ابي شيبه/ كتاب الأدب/حدیث: 27626]

حضرت ابو نصر فرماتے ہیں کہ حضرت ابن عباس رضی اللہ عنہما نے اللہ رب العزت کے اس قول { قَسَمٌ لِذِی حِجْرٍ } کے بارے میں یوں ارشادفرمایا: کہ دانش مند لوگ مراد ہیں۔ [مصنف ابن ابي شيبه/ كتاب الأدب/حدیث: 27627]

حضرت جویبر فرماتے ہیں کہ حضرت ضحاک نے اللہ رب العزت کے اس قول { قَسَمٌ لِذِی حِجْرٍ } کے بارے میں ارشاد فرمایا: کہ عقل مند لوگ مراد ہیں۔ [مصنف ابن ابي شيبه/ كتاب الأدب/حدیث: 27628]