حضرت ھمام فرماتے ہیں کہ ایک آدمی آیا اور اس نے حضرت عثمان کے منہ پر ان کی تعریف کی، اس پر حضرت مقداد بن اسود نے مٹی اٹھائی اور اس کے منہ میں ڈال دی۔ اور فرمایا کہ رسول اللہ صلی اللہ علیہ وآلہ وسلم نے ارشاد فرمایا تھا کہ جب تم تعریف کرنے والوں سے ملو تو ان کے چہروں میں مٹی ڈالنا۔ [مصنف ابن ابي شيبه/ كتاب الأدب/حدیث: 27953]

حضرت ابراہیم کے والد حضرت یزید بن شریک فرماتے ہیں کہ ہم لوگ حضرت عمر کے پاس بیٹھے ہوئے تھے کہ کسی شخص نے دوسرے شخص کی اس کے منہ پر تعریف کی۔ جب وہ لوٹ گیا، تو حضرت عمر نے فرمایا: تو نے آدمی کو ہلاک کردیا اللہ تجھے بھی ہلاک کرے۔ [مصنف ابن ابي شيبه/ كتاب الأدب/حدیث: 27954]