حضرت علی رضی اللہ عنہایسے زخم میں کہ جس میں ہڈی واضٗح تو نہ ہو لیکن قریب تھا کہ ظاہر ہوجاتی چار اونٹ مقرر کرتے تھے۔ [مصنف ابن ابي شيبه/كتاب الديات/حدیث: 28530]

حضرت علی رضی اللہ عنہ سے ایسے زخم کے بارے کہ جو اس باریک پردے کو پہنچ جائے کہ جس نے ہڈی کو ڈھانپ رکھا ہے، چار اونٹ مروی ہیں، اور حکم نے بھی علی رضی اللہ عنہ سے اسی طرح روایت کیا ہے۔ [مصنف ابن ابي شيبه/كتاب الديات/حدیث: 28531]

حضرت عمر اور عثمان نے ”ملطاۃ“ یعنی ایسے زخم کے بارے میں کہ جس میں ہڈی نکلنے کے قریب تو تھی لیکن نکلی نہیں، اس زخم کی کہ جس میں ہڈی واضح ہوجائے نصف دیت کا فیصلہ کیا۔ [مصنف ابن ابي شيبه/كتاب الديات/حدیث: 28533]

حضرت ابراہیم کا ارشاد ہے کہ جو سر یا چہرہ کا زخم ہونے سے کم درجہ کا ہو اس میں صلح ہے۔ [مصنف ابن ابي شيبه/كتاب الديات/حدیث: 28534]

حضرت عامر کا ارشاد ہے کہ سر اور چہرے کے جس زخم میں ہڈی واضح نہ ہو اس میں معالج کی اجرت ہے۔ [مصنف ابن ابي شيبه/كتاب الديات/حدیث: 28535]

حضرت عمر بن عبدالعزیز نے لکھا کہ سر اور چہرے کے جس زخم میں ہڈی واضح نہ ہو تو اس میں دیت نہیں ہے مگر معالج کی اجرت ہے۔ [مصنف ابن ابي شيبه/كتاب الديات/حدیث: 28536]

حضرت ابراہیم کا ارشاد ہے کہ جس چہرے اور سر کے زخم میں ہڈی واضح نہ ہو اس میں فیصلہ ہے۔ [مصنف ابن ابي شيبه/كتاب الديات/حدیث: 28537]

حضرت مسروق نے فرمایا ہے کہ چہرے اور سر کے جس زخم میں ہڈی واضح نہ ہو اس میں محض معالج کی اجرت ہی دی جاے گی۔ [مصنف ابن ابي شيبه/كتاب الديات/حدیث: 28538]

حضرت اعمش نے فرمایا کہ میں نے ابراہیم سے خراش یا اس جیسی چیز کے بارے میں سوال کیا تو انہوں نے جواب دیا کہ اس میں صلح ہے جب تک کہ دیت کو نہ پہنچ جائے۔ [مصنف ابن ابي شيبه/كتاب الديات/حدیث: 28539]