حضرت علی رضی اللہ عنہ کا ارشاد ہے کہ جو غلام جنایت کرے وہ اس کی گردن پر ہوگی اور اس کے آقا کو اختیار ہوگا اگر چاہے تو اس کا فدیہ دے دے یا غلام کو ہی بدلہ میں دیدے۔ [مصنف ابن ابي شيبه/كتاب الديات/حدیث: 28943]

حضرت شعبی کا ارشاد ہے کہ غلام کی جنایت اس کی گردن پر ہوگی اور اس کے آقا کو اختیار ہوگا اگرچہ چاہے تو فدیہ دے دے اور چاہے تو غلام دے دے۔ [مصنف ابن ابي شيبه/كتاب الديات/حدیث: 28944]

حضرت حسن کا ارشاد ہے کہ غلام اپنے مولا پر اس کی قیمت سے زیادہ تاوان نہیں ڈال سکتا۔ [مصنف ابن ابي شيبه/كتاب الديات/حدیث: 28945]

حضرت شریح کا ارشاد ہے کہ غلام جو جنایت کرے تو وہ اس کی گردن پر ہوگی یا پھر اس کی مولا اس کی طرف سے ادا کرے گا۔ [مصنف ابن ابي شيبه/كتاب الديات/حدیث: 28946]

حضرت محمد کا ارشاد ہے کہ میں نے اشعث سے سوال کیا کہ جب غلام کوئی جنایت کرے تو؟ انہوں نے جواب دیا کہ اس ہی کی گردن پر ہوگی۔ [مصنف ابن ابي شيبه/كتاب الديات/حدیث: 28947]

حضرت سالم بن عبداللہ کا ارشاد ہے کہ اگر غلاموں کے مالک چاہیں تو زخمی کے زخم کی اجرت فدیہ میں دے دیں اور اگر چاہیں تو غلام کو ہی سپرد کریں۔ [مصنف ابن ابي شيبه/كتاب الديات/حدیث: 28948]

حضرت زہری کا ارشاد ہے کہ اگر اس نے غلطی سے قتل کردیا ہو تو اس کا آقا اگر چاہے تو فدیہ دے دے اور اگر چاہے تو اس غلام کو ہی سپرد کر دے۔ [مصنف ابن ابي شيبه/كتاب الديات/حدیث: 28949]

حضرت ہشام بن عروہ اپنے والد سے روایت کرتے ہیں کہ وہ فرمایا کرتے تھے کہ غلام جب کوئی جنابت کرے تو اس کے مالک کو اختیار ہے اگر چاہے تو غلام کو جنایت کے بدلہ میں دیدے اور چاہے تو جنایت اپنی طرف سے دیکر غلام کو اپنے پاس رکھ لے۔ [مصنف ابن ابي شيبه/كتاب الديات/حدیث: 28950]