حضرت محمد فرماتے ہیں کہ حضرت شریح نے فرمایا: جب جانور کی دم جڑ سے کاٹ دی گئی ہو تو اس صورت میں اس کی قیمت کا چوتھائی حصہ ضمان ہوگا۔ [مصنف ابن ابي شيبه/كتاب الديات/حدیث: 29187]

حضرت اشعث فرماتے ہیں کہ حضرت عامر شعبی سے ایسے جانور کے بارے میں سوال کیا گیا جس کی دم یا کان کاٹ دیا گیا ہو؟ آپ نے فرمایا: اس طرح کوئی نقصان نہیں ہوا، جب اس کا ہاتھ یا اس کی ٹانگ کاٹ دی جائے تو اس صورت میں قیمت لازم ہوگی۔ [مصنف ابن ابي شيبه/كتاب الديات/حدیث: 29188]

حضرت سعید فرماتے ہیں کہ حضرت قتادہ نے ایسے آدمی کے بارے میں جس نے کسی جانور کی دم کاٹ دی ہو یوں ارشاد فرمایا: اس شخص پر اس جانور کی قیمت لازم ہوگی اور و ہ جانور اس کو دے دیا جائے گا۔ [مصنف ابن ابي شيبه/كتاب الديات/حدیث: 29189]