حضرت عبدالعزیز بن عمر فرماتے ہیں کہ مجھے ان لوگوں نے یہ بات بیان کی جو میرے والد کے پاس تشریف لائے تھے کہ نبی کریم صلی اللہ علیہ وآلہ وسلم نے ارشاد فرمایا: ہر وہ معالج جس نے کسی قوم کا علاج کیا درا نحالی کہ کہ وہ اس سے قبل علاج سے بالکل واقف نہ تھا پس اس نے مرض بگاڑ دیا تو وہ شخص ضامن ہوگا۔ عبدالعزیز فرماتے ہیں کہ یہ ضمان مرض کی تشخیص ضر نہیں بلکہ رگوں کو کاٹنے اور چیر لگانے پر ہے۔ [مصنف ابن ابي شيبه/كتاب الديات/حدیث: 29396]

حضرت ہشام فرماتے ہیں کہ حضرت حسن بصری نے ارشاد فرمایا: جس بات کا حکم دیا گیا تھا جب معالج نے اس سے تجاوز کیا تو وہ ضامن ہوگا۔ [مصنف ابن ابي شيبه/كتاب الديات/حدیث: 29398]

حضرت ابن جریج فرماتے ہیں کہ حضرت عطاء نے اس معالج کے بارے میں کہ جس نے پھوڑے میں شگاف ڈالا پس مریض مرگیا، آپ نے یوں ارشاد فرمایا: اس پر دیت لازم نہیں ہوگی۔ [مصنف ابن ابي شيبه/كتاب الديات/حدیث: 29399]

حضرت ابو قرہ فرماتے ہیں کہ حضرت عمر بن عبدالعزیز نے ختنہ کرنے والے کو ضامن بنایا۔ [مصنف ابن ابي شيبه/كتاب الديات/حدیث: 29400]

حضرت سعید بن یوسف فرماتے ہیں کہ حضرت یحییٰ بن ابی کثیر نے ارشاد فرمایا: ایک عورت نے کسی بچی کا ختنہ کیا تو اس کو تکلیف میں مبتلا کردیا جس سے اس کی وفات ہوگئی تو حضرت علی رضی اللہ عنہ نے اس عورت کو دیت کا ضامن بنایا۔ [مصنف ابن ابي شيبه/كتاب الديات/حدیث: 29401]

حضرت ابو عون ثقفی فرماتے ہیں کہ حضرت شریح نے ارشاد فرمایا: دوا کرنے والے پر ضمان لازم نہیں ہوگا۔ [مصنف ابن ابي شيبه/كتاب الديات/حدیث: 29402]

حضرت جابر فرماتے ہیں کہ حضرت شعبی نے ارشاد فرمایا: دوائی دینے والے پر ضمان لازم نہیں ہوگا۔ [مصنف ابن ابي شيبه/كتاب الديات/حدیث: 29403]

حضرت یونس بن ابو اسحق فرماتے ہیں کہ میں نے امام شعبی کو یوں فرماتے ہوئے سنا: پچھنے لگانے والے پر، جانوروں کا علاج کرنے والے اور دوائی دینے والے پر ضمان لازم نہیں ہوگا۔ [مصنف ابن ابي شيبه/كتاب الديات/حدیث: 29404]

حضرت جابر فرماتے ہیں کہ حضرت عامرشعبی نے اس جانور کے معالج کے بارے میں جس نے گھوڑے کی آنکھ سے مہ سے کو کھینچا جس سے وہ گھوڑا ہلاک ہوگیا: آپ نے یوں ارشاد فرمایا: اس کو ضامن بنایا جائے گا۔ [مصنف ابن ابي شيبه/كتاب الديات/حدیث: 29405]