حضرت اشعث فرماتے ہیں کہ حضرت حسن بصری نے اس غلام کے بارے میں فرمایا جس نے متعدد جنایات کی ہوں، وہ غلام ان لوگوں کو دے دیا جائے گا پس وہ لوگ اسے آپس میں جرموں کے بقدر تقسیم کرلیں گے۔ [مصنف ابن ابي شيبه/كتاب الديات/حدیث: 29541]

حضرت عبدالملک فرماتے ہیں کہ امام شعبی نے ایسے غلام کے بارے میں جو کسی آدمی کا سر زخمی کردے پھر اس نے دوسرے کا سر زخمی کردیا پھر کسی دوسرے کا سر زخمی کردیا۔ تو آپ نے اس غلام کا آخری والے کے حق میں فیصلہ فرمایا۔ [مصنف ابن ابي شيبه/كتاب الديات/حدیث: 29542]

حضرت حماد بن سلمہ فرماتے ہیں کہ حضرت حماد اور حضرت ربیعہ نے ارشاد فرمایا: وہ لوگ اسے اپنے حصوں کے اعتبار سے تقسیم کرلیں گے۔ [مصنف ابن ابي شيبه/كتاب الديات/حدیث: 29543]