حضرت حماد فرماتے ہیں کہ حضرت ابراہیم نے ارشاد فرمایا: جب تک قسم انتہاء کونہ پہنچ جائے تو تم تکرار کرو یہاں تک کہ وہ پچاس قسمیں اٹھا لیں۔ [مصنف ابن ابي شيبه/كتاب الديات/حدیث: 29668]

حضرت محمد بن سیرین فرماتے ہیں کہ حضرت شریح نے ارشاد فرمایا: قسامت کا موقع آیا اور لوگوں نے پچاس قسمیں پور ی نہیں کیں تو آپ نے ان پر قسمیں لوٹائیں یہاں تک کہ انہوں نے پوری کیں۔ [مصنف ابن ابي شيبه/كتاب الديات/حدیث: 29669]

حضرت ابن سیرین فرماتے ہیں کہ حضرت شریح نے ارشاد فرمایا: جب وہ لوگ پچاس سے کم ہوں تو ان پر قسمیں لوٹائی جائیں گی۔ [مصنف ابن ابي شيبه/كتاب الديات/حدیث: 29670]

حضرت ابو ملیح فرماتے ہیں کہ حضرت عمر بن خطاب نے ان لوگوں پر قسموں کو دوبارہ لوٹایا۔ [مصنف ابن ابي شيبه/كتاب الديات/حدیث: 29671]

حضرت مغیرہ فرماتے ہیں کہ حضرت ابراہیم نے ارشاد فرمایا: جب وہ لوگ پچاس سے کم ہوں تو ان پر قسمیں لوٹائی جائیں گی اول فالا ول کے اعتبار سے۔ [مصنف ابن ابي شيبه/كتاب الديات/حدیث: 29672]

حضرت ابو الزناد فرماتے ہیں کہ عمر بن عبدالعز یز نے قسامۃ کے معاملہ میں سات آدمیوں کے گروہ پر قسمیں لوٹائیں، ان میں ایک میرے ماموں بھی تھے۔ [مصنف ابن ابي شيبه/كتاب الديات/حدیث: 29673]

حضرت معمر فرماتے ہیں کہ حضرت زہری نے ارشاد فرمایا: جب قسامۃ میں پچاس افراد میں سے ایک آدمی بھی کم ہو تو ہم اس کو جائز قرار نہیں دیتے۔ [مصنف ابن ابي شيبه/كتاب الديات/حدیث: 29674]

حضرت ابن جریج فرماتے ہیں کہ حضرت ابن شہاب نے ارشاد فرمایا: بہر حال آج وہ صورتحال جس پر لوگ قائم ہیں تو اس میں تو قسموں کو دوبارہ لوٹایا جائے گا۔ [مصنف ابن ابي شيبه/كتاب الديات/حدیث: 29675]