حضرت اسماعیل بن سالم فرماتے ہیں کہ حضرت حکم سے ایک آدمی کے بارے میں مروی ہے جس نے مال غنیمت کی باندی سے وطی کرلی تھی آپ نے فرمایا: اس پر حد جاری نہیں ہوگی، جبکہ اس میں اس کا بھی حصہ ہو۔ [مصنف ابن ابي شيبه/كتاب الحدود/حدیث: 30432]

حضرت قتادہ فرماتے ہیں کہ حضرت سعید بن مسیب نے فرمایا: اس پر حد جاری نہیں ہوگی جبکہ اس مال غنیمت میں اس کا بھی حصہ ہو۔ [مصنف ابن ابي شيبه/كتاب الحدود/حدیث: 30433]

حضرت بکیر بن داود فرماتے ہیں کہ حضر ت علی رضی اللہ عنہ نے ایک شخص پر حد جاری فرمائی جس نے مال خمس کی ایک باندی سے وطی کی تھی۔ [مصنف ابن ابي شيبه/كتاب الحدود/حدیث: 30434]

حضرت ہشام فرماتے ہیں کہ حضرت حسن بصری نے ارشاد فرمایا: جب مال غنیمت میں اس کا کچھ حصہ ہو تو اس کو تعزیزاً سزا د ی جائے گی اور اس پر قیمت لازم ہوگی اور یہی حکم ہے اس باندی کا جو اس کے اور کسی آدمی کے درمیان مشترک ہو۔ [مصنف ابن ابي شيبه/كتاب الحدود/حدیث: 30435]