حضرت عطاء فرماتے ہیں کہ حضرت عبد اللہ بن عباس رضی اللہ عنہما نے ارشاد فرمایا: تم لوگ کھڑے ہو کر دعا مت کرو جیسا کہ یہود اپنے گرجاؤں میں کرتے ہیں۔ [مصنف ابن ابي شيبه/كتاب الدعاء/حدیث: 31678]

حضرت ابن الاصبھانی فرماتے ہیں کہ حضرت ابو عبد الرحمن نے ایک شخص کو دیکھا کہ وہ نماز پڑھنے کے بعد کھڑا ہو کر دعا کر رہا تھا۔ تو آپ نے اس کو بُرا بھلا کہا یا اس کو گالی دی۔ [مصنف ابن ابي شيبه/كتاب الدعاء/حدیث: 31679]

حضرت عبدہ بن ابو لبابہ فرماتے ہیں کہ حضرت عبد الرحمن بن یزید کھڑے ہو کر دعا کرنے کو مکروہ سمجھتے ہیں۔ [مصنف ابن ابي شيبه/كتاب الدعاء/حدیث: 31680]

حضرت لیث فرماتے ہیں کہ حضرت مجاہد نماز کے بعد کھڑے ہو کر دعا مانگنے کو ناپسند کرتے تھے یہود کی مشابہت کی وجہ سے۔ [مصنف ابن ابي شيبه/كتاب الدعاء/حدیث: 31681]

حضرت ضحاک فرماتے ہیں کہ حضرت عبد اللہ بن مسعود رضی اللہ عنہ کو خبر پہنچی: کہ ایک قوم کھڑے ہو کر اللہ کا ذکر کرتی ہے۔ ضحاک فرماتے ہیں۔ پس آپ ان کے پاس تشریف لائے اور فرمایا: یہ کیا بُرا کام ہے؟!۔ [مصنف ابن ابي شيبه/كتاب الدعاء/حدیث: 31682]

حضرت جمیل بن زید فرماتے ہیں کہ میں نے حضرت عبد اللہ بن عمر رضی اللہ عنہما کو دیکھا وہ بیت اللہ میں داخل ہوئے اور دو رکعت نماز پڑھی۔ پھر میں نکل آیا اس حال میں کہ میں نے ان کو چھوڑا کہ وہ کھڑے ہو کر دعا کر رہے تھے اور تکبیر کہہ رہے تھے۔ [مصنف ابن ابي شيبه/كتاب الدعاء/حدیث: 31683]

حضرت شعبہ فرماتے ہیں کہ میں نے حضرت مغیرہ سے پوچھا؛ کیا حضرت ابراہیم اس بات کو ناپسند کرتے تھے کہ نماز سے فارغ ہو کر کوئی شخص قبلہ رو کھڑے ہو کر اپنے ہاتھوں کو بلند کرے؟ تو آپ نے فرمایا! جی ہاں! [مصنف ابن ابي شيبه/كتاب الدعاء/حدیث: 31684]