حضرت جابر فرماتے ہیں کہ ہمارے لیے نہ رسول اللہ صلی اللہ علیہ وآلہ وسلم نے نہ ہی حضرت ابوبکر نے اور نہ ہی حضرت عمر نے نماز جنازہ کے لیے کوئی چیز ظاہر فرمائی۔ [مصنف ابن ابي شيبه/كتاب الدعاء/حدیث: 31774]

حضرت عبد اللہ بن عمرو رضی اللہ عنہ رسول اللہ صلی اللہ علیہ وآلہ وسلم کے تیس اصحاب سے نقل کرتے ہیں! کہ انہوں نے نماز جنازہ میں کوئی چیز متعین نہیں فرمائی۔ [مصنف ابن ابي شيبه/كتاب الدعاء/حدیث: 31775]

حضرت اعمش فرماتے ہیں کہ حضرت ابراہیم نے فرمایا؛ میت پر پڑھی جانے والی نماز میں کوئی دعا متعین نہیں۔ [مصنف ابن ابي شيبه/كتاب الدعاء/حدیث: 31776]

حضرت داؤد فرماتے ہیں کہ حضرت سعید بن المسیب اور حضرت شعبی نے فرمایا: میت پر پڑھی جانے والی نماز میں کوئی دعا متعین نہیں ہے۔ [مصنف ابن ابي شيبه/كتاب الدعاء/حدیث: 31777]

حضرت عمران بن حدیر فرماتے ہیں کہ میں نے حضرت محمد سے نماز جنازہ کے متعلق سوال کیا: تو آپ نے ارشاد فرمایا: ہمیں نہیں معلوم کہ اس میں کسی دعا کو متعین کیا گیا ہو، جو اچھی دعا تم جانتے ہو اس کے ذریعہ دعا کرو۔ [مصنف ابن ابي شيبه/كتاب الدعاء/حدیث: 31778]

حضرت اسحاق بن سوید فرماتے ہیں کہ حضرت بکر بن عبد اللہ نے ارشاد فرمایا: نماز جنازہ میں کوئی چیز متعین نہیں کی گئی۔ [مصنف ابن ابي شيبه/كتاب الدعاء/حدیث: 31779]

حضرت موسیٰ الجہنی فرماتے ہیں کہ میں نے حضرت شعبی اور حضرت حکم اور حضرت عطا، حضرت مجاہد سے سوال کیا:َ کیا نماز جنازہ میں کوئی چیز متعین ہے؟ ان سب حضرات نے جواب دیا: نہیں! بیشک تم تو شفاعت کرنے والے ہو۔ جو دعا تم زیادہ اچھی جانتے ہو اس کے ذریعہ شفاعت کرو۔ [مصنف ابن ابي شيبه/كتاب الدعاء/حدیث: 31780]