مغیرہ روایت کرتے ہیں کہ حضرت ابراہیم نے فرمایا کہ استھلال کا مطلب ہے ”چیخنا“۔ [مصنف ابن ابي شيبه/كتاب الفرائض/حدیث: 33629]

عکرمہ روایت کرتے ہیں کہ حضرت ابن عباس رضی اللہ عنہما نے فرمایا کہ بچے کے استہلال کا مفہوم ہے اس کا چلّانا۔ [مصنف ابن ابي شيبه/كتاب الفرائض/حدیث: 33630]

یحییٰ بن سعید کہتے ہیں کہ قاسم بن محمد نے فرمایا کہ استہلال کا معنی ہے آواز نکالنا اور چھینکنا۔ [مصنف ابن ابي شيبه/كتاب الفرائض/حدیث: 33631]

ابن ابی ذئب نقل کرتے ہیں کہ زہری فرماتے ہیں کہ میری رائے میں استہلال سے مراد چھینک ہے۔ [مصنف ابن ابي شيبه/كتاب الفرائض/حدیث: 33632]

حضرت ابوہریرہ رضی اللہ عنہ روایت کرتے ہیں کہ رسول اللہ صلی اللہ علیہ وسلم نے فرمایا کہ جو بچہ پیدا ہوتا ہے شیطان اس کے کچوکا لگاتا ہے جس کی تکلیف سے وہ چلاّنے لگتا ہے، سوائے ابن مریم اور ان کی والدہ کے۔ [مصنف ابن ابي شيبه/كتاب الفرائض/حدیث: 33633]