حضرت حصین سے روایت ہے وہ کہتے ہیں کہ ہم حضرت مرہ کے پاس آئے۔ ہم نے ان کے بارے میں پوچھا: لوگوں نے کہا مرۃ الطیب؟ تو وہ اپنے بالاخانہ میں تھے جس میں انہوں نے بارہ سال عبادت کی تھی۔ [مصنف ابن ابي شيبه/كتاب الزهد/حدیث: 37612]

حضرت ہیثم سے روایت ہے وہ کہتے ہیں کہ حضرت مرہ ہر روز دو سو رکعات پڑھا کرتے تھے۔ [مصنف ابن ابي شيبه/كتاب الزهد/حدیث: 37613]

حضرت مالک بن مغول سے روایت ہے وہ کہتے ہیں کہ حضرت مرہ سے پوچھا گیا آپ کی کتنی نماز باقی ہے؟ انہوں نے فرمایا: آدھی یعنی دو سو پچاس رکعات۔ [مصنف ابن ابي شيبه/كتاب الزهد/حدیث: 37614]

حضرت مرہ سے { وَأَفْئِدَتُہُمْ ہَوَائٌ} کے بارے میں روایت ہے وہ کہتے ہیں: پھٹے ہوں گے کسی شے کی حفاظت نہیں کریں گے۔ [مصنف ابن ابي شيبه/كتاب الزهد/حدیث: 37615]