حضرت ابن عمر رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے ہمیں نجد کی طرف ایک سریہ میں روانہ کیا۔ ابن عمر رضی اللہ عنہما بیان کرتے ہیں۔ ہمیں (وہاں سے) بہت زیادہ چیزیں غنیمت میں ملیں۔ راوی کہتے ہیں۔ پس ہمیں ہمارے ساتھی نے جو ہم پر امیر تھا۔ ایک ایک اونٹ عطیہ میں دے دیا۔ پھر ہم رسول اللہ صلی اللہ علیہ وآلہ وسلم کے پاس وہ اشیاء لے کر پہنچے۔ تو ہمیں پھر خمس کے اخراج کے بعد جو حصہ ملا وہ بارہ، بارہ اونٹ تھے۔ پس ہم میں سے ہر ایک آدمی کو اس اونٹ سمیت جو ہمارے ساتھی نے ہمیں عطیہ میں دیا تھا۔ تیرہ اونٹ ملے۔ نبی کریم صلی اللہ علیہ وآلہ وسلم نے ہمارے ساتھی سے اس اونٹ کے حساب پر کوئی بات نہیں کی۔ [مصنف ابن ابي شيبه/كتاب المغازي/حدیث: 39635]

حضرت ابن عمر رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے ہمیں نجد کی طرف ایک سریہ میں روانہ فرمایا۔ تو ہمارے حصوں میں بارہ بارہ اونٹ آئے۔ اور رسول اللہ صلی اللہ علیہ وآلہ وسلم نے ہمیں ایک ایک اونٹ عطیہ فرمایا۔ [مصنف ابن ابي شيبه/كتاب المغازي/حدیث: 39636]

حضرت حبیب بن سلمہ سے روایت ہے کہ رسول اللہ صلی اللہ علیہ وآلہ وسلم آغاز میں غنیمت میں سے ایک ربع کو عطیہ کرتے تھے پھر آپ صلی اللہ علیہ وآلہ وسلم نے آخر میں ایک تہائی میں سے عطیہ کرتے تھے۔ [مصنف ابن ابي شيبه/كتاب المغازي/حدیث: 39637]

حضرت عبادہ بن صامت سے روایت ہے کہ رسول اللہ صلی اللہ علیہ وآلہ وسلم نے آغاز میں ایک چوتھائی میں سے اور بعد میں ایک تہائی سے عطیہ دیتے تھے۔ [مصنف ابن ابي شيبه/كتاب المغازي/حدیث: 39638]

حضرت حبیب بن مسلمہ سے روایت ہے کہ میں نبی کریم صلی اللہ علیہ وآلہ وسلم کے ہمراہ (جہاد میں) شریک ہوا اور آپ صلی اللہ علیہ وآلہ وسلم نے مجھے (غنیمت کے) ثلث میں سے عطیہ دیا۔ [مصنف ابن ابي شيبه/كتاب المغازي/حدیث: 39639]

حضرت حبیب بن مسلمہ سے روایت ہے کہ نبی کریم صلی اللہ علیہ وآلہ وسلم نے (غنیمت میں سے) خمس کے بعد ایک تہائی میں سے عطیہ دیا۔ [مصنف ابن ابي شيبه/كتاب المغازي/حدیث: 39640]

حضرت محمد بن عمرو بیان کرتے ہیں کہ ابو سلمہ، یحییٰ بن عبد الرحمان اور عبد الملک بن مغیرہ… اور میں بھی ان کے ہمراہ تھا… آپس میں انفال … عطایا … کے بارے میں مذاکرہ کر رہے تھے۔ تو انہوں نے سعید بن مسیب کی طرف یہ بات پوچھنے کے لئے بھیجا۔ تو (ان کا) قاصد واپس آیا اور اس نے کہا کہ سعید نے مجھے کچھ بھی بتانے سے انکار کردیا ہے … راوی کہتے ہیں: پھر سعید نے اپنا غلام بھیجا اور اس نے (آکر) کہا۔ سعید، تمہیں کہہ رہے ہیں۔ کہ تم نے میرے پاس انفال … عطایا… کے بارے میں پوچھنے کے لئے قاصد بھیجا تھا۔ حالانکہ رسول اللہ صلی اللہ علیہ وآلہ وسلم کے بعد انفال … عطایا… نہیں ہیں۔ [مصنف ابن ابي شيبه/كتاب المغازي/حدیث: 39641]

حجاج بن عبد اللہ نصری بیان کرتے ہیں کہ عطیہ برحق ہے اور رسول اللہ صلی اللہ علیہ وآلہ وسلم نے عطیہ عطا فرمایا۔ [مصنف ابن ابي شيبه/كتاب المغازي/حدیث: 39642]