سیدنا جابر رضی اللہ عنہ بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”تیمم کرنے والا شخص وضو کرنے والوں کی امامت نہ کروائے۔“ اس کی سند ضعیف ہے۔ [سنن الدارقطني/كِتَابُ الطَّهَارَةِ/حدیث: 713]

سیدنا علی رضی اللہ عنہ یہ فرماتے ہیں: ”مقید شخص مطلق لوگوں کی امامت نہ کروائے اور تیمم کرنے والا شخص وضو کرنے والوں کی امامت نہ کروائے۔“ [سنن الدارقطني/كِتَابُ الطَّهَارَةِ/حدیث: 714]

تیمم کے بارے میں یہی روایت ایک اور سند کے ہمراہ بھی منقول ہے۔ [سنن الدارقطني/كِتَابُ الطَّهَارَةِ/حدیث: 715]

سیدنا عبداللہ بن عمر رضی اللہ عنہما یہ فرماتے ہیں: ”میں نے نبی کریم صلی اللہ علیہ وسلم کو ایک جگہ تیمم کرتے ہوئے دیکھا جس کا نام مربد النعم تھا جب کہ آپ صلی اللہ علیہ وسلم (اس مقام) سے مدینہ منورہ کے گھروں کی طرف مشاہدہ فرما رہے تھے۔“ [سنن الدارقطني/كِتَابُ الطَّهَارَةِ/حدیث: 716]