سیدنا ابوکبشہ انماری رضی اللہ عنہ بیان کرتے ہیں کہ جب نبی کریم صلی اللہ علیہ وسلم نے مکہ کو فتح کیا (یعنی اس پر حملہ کیا)، تو سیدنا زبیر رضی اللہ عنہ بائیں حصے کے نگران تھے، جبکہ سیدنا مقداد رضی اللہ عنہ دائیں حصے کے نگران تھے، جب نبی کریم صلی اللہ علیہ وسلم مکہ تشریف لائے اور لوگوں کی رہنمائی کی، تو اسی دوران یہ دونوں حضرات اپنے سواروں کو ساتھ لے کر آئے، تو نبی کریم صلی اللہ علیہ وسلم کھڑے ہو گئے، آپ صلی اللہ علیہ وسلم نے ان دونوں سے غبار ہٹایا اور فرمایا: ”میں گھوڑے کے دو حصے اور سوار کے لیے ایک حصہ مقرر کرتا ہوں، جو شخص ان میں کمی کرے گا، اللہ تعالیٰ اسے کمی دے گا۔“ [سنن الدارقطني/كِتَابُ السِّيَرِِِِِ/حدیث: 4162]

سیدنا ابورہم رضی اللہ عنہ بیان کرتے ہیں کہ میں نبی کریم صلی اللہ علیہ وسلم کے ساتھ ایک غزوہ میں شریک ہوا، میرے ساتھ میرا بھائی بھی تھا، ہمارے ساتھ دو گھوڑے تھے، تو آپ نے ہمیں چھ حصے ادا کیے، چار حصے ہم دونوں کے گھوڑوں کے لیے تھے اور دو حصے ہم دونوں کے لیے تھے، تو ہم نے دو جوان اونٹوں کے عوض میں اپنے حصے کو فروخت کر دیا۔ [سنن الدارقطني/كِتَابُ السِّيَرِِِِِ/حدیث: 4163]

سیدنا عبداللہ بن عمر رضی اللہ عنہما بیان کرتے ہیں کہ نبی کریم صلی اللہ علیہ وسلم نے سوار اور اس کے گھوڑے کے لیے تین حصے مقرر کیے، ایک حصہ آدمی کا تھا اور دو حصے اس کے گھوڑے کے تھے۔ [سنن الدارقطني/كِتَابُ السِّيَرِِِِِ/حدیث: 4164]

سیدنا عبداللہ بن عمر رضی اللہ عنہما بیان کرتے ہیں کہ نبی کریم صلی اللہ علیہ وسلم نے گھوڑے کے لیے دو حصے اور گھوڑے والے کے لیے ایک حصہ مقرر کیا۔ [سنن الدارقطني/كِتَابُ السِّيَرِِِِِ/حدیث: 4165]

سیدنا عبداللہ بن عمر رضی اللہ عنہما بیان کرتے ہیں کہ نبی کریم صلی اللہ علیہ وسلم نے تقسیم کرتے ہوئے گھوڑے کے لیے دو حصے اور سوار کے لیے ایک حصہ مقرر کیا۔ [سنن الدارقطني/كِتَابُ السِّيَرِِِِِ/حدیث: 4166]

یہی روایت ایک اور سند کے ہمراہ بھی منقول ہے۔ [سنن الدارقطني/كِتَابُ السِّيَرِِِِِ/حدیث: 4167]

سیدنا عبداللہ بن عمر رضی اللہ عنہما بیان کرتے ہیں کہ نبی کریم صلی اللہ علیہ وسلم نے آدمی اور اس کے گھوڑے کو تین حصے دیے، ایک حصہ آدمی کا تھا اور دو حصے اس کے گھوڑے کے تھے۔ [سنن الدارقطني/كِتَابُ السِّيَرِِِِِ/حدیث: 4168]

سیدنا مقداد رضی اللہ عنہ بیان کرتے ہیں کہ میں نبی کریم صلی اللہ علیہ وسلم کے ساتھ غزوہ بدر میں شریک ہوا ہوں، میں گھوڑے پر سوار تھا، جس کے ساتھ اس کی مونث بھی تھی، تو نبی کریم صلی اللہ علیہ وسلم نے مجھے ایک حصہ دیا اور میرے گھوڑے کو دو حصے دیے۔ [سنن الدارقطني/كِتَابُ السِّيَرِِِِِ/حدیث: 4169]

سیدنا مقداد رضی اللہ عنہ بیان کرتے ہیں کہ نبی کریم صلی اللہ علیہ وسلم نے غزوہ خیبر کے موقع پر مجھے ایک حصہ دیا تھا اور میرے گھوڑے کو دو حصے دیے تھے۔ [سنن الدارقطني/كِتَابُ السِّيَرِِِِِ/حدیث: 4170]

سیدنا مقداد بن عمرو رضی اللہ عنہ بیان کرتے ہیں کہ غزوہ بدر کے دن نبی کریم صلی اللہ علیہ وسلم نے ان کے گھوڑے کو دو حصے دیے تھے اور انہیں ایک حصہ دیا تھا۔ [سنن الدارقطني/كِتَابُ السِّيَرِِِِِ/حدیث: 4171]