مجاہد رحمہ اللہ نے اللہ عزوجل کے فرمان ﴿وَآتُوا حَقَّهُ يَوْمَ حَصَادِهِ﴾ کے بارے میں فرمایا: جب کھیتی تیار ہو تو کسان کچھ خوشے بطور حق دے، اور جب فصل کاٹے تو کچھ مقدار بطور حق دے، اور انہیں اجازت دے کہ وہ کاٹنے کے بعد گرے ہوئے دانے چن لیں۔ [سنن سعید بن منصور/كِتَابُ التَّفْسِيرِ/حدیث: 922]

مجاہد رحمہ اللہ نے اللہ عزوجل کے فرمان ﴿وَآتُوا حَقَّهُ يَوْمَ حَصَادِهِ﴾ کے بارے میں فرمایا: جب تم فصل کاٹو اور مسکین حاضر ہوں تو ان کے لیے خوشے پھینکو، اور جب فصل صاف کر کے ڈھیری بناؤ اور مسکین حاضر ہوں تو ان کے لیے اس میں سے کچھ نکالو، اور جب دانے جھاڑ کر چھان لو اور مسکین حاضر ہوں تو ان کے لیے اس میں سے کچھ نکالو، اور جب دانے چھان کر ان کا پیمانہ مقرر کرو تو اس کی زکوٰۃ الگ کرو، اور جب کھجور کے خوشے تیار ہو جائیں اور مسکین حاضر ہوں تو ان کے لیے تھوڑے تھوڑے خوشے اور کچھ کچی کھجوریں پھینکو، اور جب کھجوریں کاٹو اور مسکین حاضر ہوں تو ان کے لیے اس میں سے کچھ نکالو، اور جب کھجوریں جمع کر کے ان کا پیمانہ معلوم کرلو تو اس کی زکوٰۃ الگ کر دو۔ [سنن سعید بن منصور/كِتَابُ التَّفْسِيرِ/حدیث: 923]

سیدنا علی بن حسین رحمہ اللہ سے روایت ہے کہ رسول اللہ صلی اللہ علیہ وسلم نے رات کے وقت فصل کاٹنے اور کھجوریں توڑنے سے منع فرمایا۔ [سنن سعید بن منصور/كِتَابُ التَّفْسِيرِ/حدیث: 924]

مجاہد رحمہ اللہ نے اللہ عزوجل کے فرمان ﴿وَآتُوا حَقَّهُ يَوْمَ حَصَادِهِ﴾ کے بارے میں فرمایا: یہ زکوٰۃ کے علاوہ ہے۔ [سنن سعید بن منصور/كِتَابُ التَّفْسِيرِ/حدیث: 925]

عامر شعبی رحمہ اللہ نے فرمایا: مال میں زکوٰۃ کے علاوہ بھی ایک حق ہے۔ [سنن سعید بن منصور/كِتَابُ التَّفْسِيرِ/حدیث: 926]

ابراہیم نخعی رحمہ اللہ نے اللہ عزوجل کے فرمان ﴿وَآتُوا حَقَّهُ يَوْمَ حَصَادِهِ﴾ کے بارے میں فرمایا: اس آیت کو زکوٰۃ یعنی عشر اور نصف عشر یعنی آدھا عشر نے منسوخ کر دیا۔ [سنن سعید بن منصور/كِتَابُ التَّفْسِيرِ/حدیث: 927]

سیدنا ابن عباس رضی اللہ عنہما نے اللہ عزوجل کے فرمان ﴿وَآتُوا حَقَّهُ يَوْمَ حَصَادِهِ﴾ کے بارے میں فرمایا: اس سے مراد عشر اور نصف عشر یعنی آدھا عشر ہے۔ [سنن سعید بن منصور/كِتَابُ التَّفْسِيرِ/حدیث: 928]

عطاء رحمہ اللہ نے اللہ عزوجل کے فرمان ﴿وَآتُوا حَقَّهُ يَوْمَ حَصَادِهِ﴾ کے بارے میں فرمایا: اس سے مراد زکوٰۃ فرض شدہ کے علاوہ کچھ تھوڑا سا مال دینا ہے، اور سعید بن المسیب رحمہ اللہ فرمایا کرتے تھے کہ یہ فرض زکوٰۃ ہی مراد ہے۔ [سنن سعید بن منصور/كِتَابُ التَّفْسِيرِ/حدیث: 929]

سیدنا ابن عباس رضی اللہ عنہما نے فرمایا: جو شخص اپنے مال کی زکوٰۃ ادا کر دے تو اس پر کوئی گناہ نہیں کہ وہ صدقہ نہ کرے۔ [سنن سعید بن منصور/كِتَابُ التَّفْسِيرِ/حدیث: 930]

سیدنا علی بن ابی طالب رضی اللہ عنہ فرماتے تھے: بے شک اللہ عزوجل نے مالداروں پر ان کے مالوں میں اتنا حق فرض کیا ہے جو ان کے فقراء کی کفالت کے لیے کافی ہو، پس اگر فقراء بھوکے رہیں، ننگے ہوں یا مشقت میں پڑیں تو یہ مالداروں کی جانب سے حق روکنے کی وجہ سے ہے، اور اللہ عزوجل پر لازم ہے کہ قیامت کے دن ان مالداروں کا حساب لے اور انہیں اس پر عذاب دے۔ [سنن سعید بن منصور/كِتَابُ التَّفْسِيرِ/حدیث: 931]