سیدنا علی رضی اللہ عنہ نے فرمایا: ”باندیوں کے بارے میں بھی وہی حرمت ہے جو آزاد عورتوں میں ہے سوائے عدد کے۔“ [سنن سعید بن منصور/كِتَابُ الطَّلَاقِ/حدیث: 2915]

سیدنا ابن عباس رضی اللہ عنہما سے باندیوں میں دو بہنوں کے بارے میں پوچھا گیا تو فرمایا: ”میں نہ ان کو حلال کہتا ہوں نہ حرام، ایک آیت نے حلال کیا دوسری نے حرام کیا۔“ ابن مسعود رضی اللہ عنہ کو کی خبر پہنچی تو فرمایا: ”انہیں اکٹھا نہ کرو۔“ [سنن سعید بن منصور/كِتَابُ الطَّلَاقِ/حدیث: 2916]

سیدنا ابن عباس رضی اللہ عنہما سے پوچھا گیا کہ اگر کسی کے پاس ایک لونڈی اور اس کی بیٹی ہو تو کیا دونوں سے ہمبستری جائز ہے؟ فرمایا: ”ایک آیت نے حرام کیا، ایک آیت نے حلال کیا، لیکن میں ایسا نہیں کرتا۔“ [سنن سعید بن منصور/كِتَابُ الطَّلَاقِ/حدیث: 2917]