سیدنا عمرو بن حمق خزاعی رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا ہے: ”جب اللہ تعالیٰ کسی بندے کے بارے میں بھلائی کا ارادہ کرے، تو اس کے مرنے سے پہلے اسے «عَسَلَهُ» ”شہد کر دیتا“ (یعنی اس کی پاکیزہ تعریف کرتا) ہے۔“ عرض کی گئی: اس کو مرنے سے پہلے شہد کر دینے سے مراد کیا ہے؟ نبی اکرم صلی اللہ علیہ وسلم نے فرمایا: ”اس کے لیے مرنے سے پہلے نیک عمل کو کھول دیا جاتا ہے، یہاں تک کہ وہ شخص اس سے راضی ہو جاتا ہے۔“ [صحیح ابن حبان/كِتَابُ البِرِّ وَالإِحْسَانِ/حدیث: 342]