سیدنا ابوہریرہ رضی اللہ عنہ بیان کرتے ہیں کہ نبی اکرم صلی اللہ علیہ وسلم نے اس بات سے منع فرمایا کہ ”تم لوگ گھروں کے تھڑوں پر بیٹھو۔“ لوگوں نے عرض کی: یا رسول اللہ! ہم تو اس کی استطاعت نہیں رکھتے اور ہم اس کی طاقت نہیں رکھتے (یعنی ہم ایسا کرنے پر مجبور ہیں)۔ نبی اکرم صلی اللہ علیہ وسلم نے ارشاد فرمایا: ”اگر ایسا ہے، تو پھر تم اس کا حق ادا کرو۔“ لوگوں نے دریافت کیا: اس کا حق کیا ہے؟ یا رسول اللہ! نبی اکرم صلی اللہ علیہ وسلم نے فرمایا: ”سلام کا جواب دینا، چھینکنے والا جب اللہ کی حمد بیان کرے، تو اسے جواب دینا، نگاہ کو جھکا کر رکھنا اور راستے کی طرف رہنمائی کرنا۔“ [صحیح ابن حبان/كِتَابُ البِرِّ وَالإِحْسَانِ/حدیث: 596]