ابن محیریز بیان کرتے ہیں: ایک شخص سیدنا عبادہ بن صامت رضی اللہ عنہ کے پاس آیا کہ اے ابوولید! میں نے سیدنا ابومحمد انصاری کو یہ بیان کرتے ہوئے سنا ہے، وتر واجب ہیں۔ سیدنا عبادہ نے کہا: ابومحمد نے غلط کہا: ہے۔ میں نے نبی اکرم صلی اللہ علیہ وسلم کو یہ بات ارشاد کرتے ہوئے سنا ہے: ”پانچ نمازیں ہیں جن کواللہ تعالیٰ نے اپنے بندوں پر فرض کیا ہے جو شخص انہیں ادا کرے گا اور مکمل کرے گا اور ان کے حق کو کم سمجھتے ہوئے ان میں کمی نہیں کرے گا، تو اس کیلئےاللہ تعالیٰ کی بارگاہ میں یہ عہد ہےاللہ تعالیٰ اسے جنت میں داخل کرے گا اور جو شخص انہیں ادا کرے گا۔ ان کے حق کو کم سمجھتے ہوئے ان میں کمی کرے گا، تو اس شخص کیلئےاللہ تعالیٰ کی بارگاہ میں کوئی عہد نہیں ہے اور اگر وہ چاہے گا، تو وہ عذاب دے گا اور اگر چاہے گا، تو اس پر رحم کرے گا۔ (امام ابن حبان رحمہ اللہ فرماتے ہیں: سیدنا عبادہ رضی اللہ عنہ کا یہ کہنا ”ابومحمد نے جھوٹ کہا: ہے“ اس سے مراد انہوں نے غلط کہا: ہے۔ اسی طرح سیدہ عائشہ رضی اللہ عنہا نے سیدنا محاور ہ ہے کہ جب کوئی شخص غلط بات کہے تو اس کے بارے میں کہا: جاتا ہے ”اس نے جھوٹ کہا: ہے“اللہ تعالیٰ نے سیدنا محمد صلی اللہ علیہ وسلم کے اصحاب کو اس چیز سے محفوظ رکھا ہے کہ ان میں کوئی قابل اعتراض چیز ہو۔ ارشاد باری تعالیٰ ہے: ”اس دن اللہ نے نبی اور اس کے ساتھ موجود اہل ایمان کو رسوا نہیں کیا، ان کا نور۔“ تو جباللہ تعالیٰ نے اس بات کی اطلاع دی کہ وہ قیامت کے دن انہیں رسوا نہیں کرے گا تو وہ اس بات کے زیادہ لائق ہیں کہ ان پر جرح نہ کی جائے۔ سیدنا عبادہ رضی اللہ عنہ سے سوال کرنے والا شخص ابورفیع مخد جی تھا۔ [صحیح ابن حبان/كِتَابُ الصَّلَاةِ/حدیث: 1732]