سیدنا علی رضی اللہ عنہ بیان کرتے ہیں: نبی اکرم صلی اللہ علیہ وسلم جب سجدے میں جاتے تو یہ پڑھتے تھے: ”اے اللہ! میں نے تیرے لئے سجدہ کیا میں تجھ پر ایمان لایا اور تیرے لئے اسلام قبول کیا۔ میرا چہرہ اس ذات کے سامنے سجدہ ریز ہے، جس نے اسے پیدا کیا ہے اسے شکل و صورت عطا کی ہے اور بڑی خوبصورت شکل و صورت عطا کی ہے، جس نے اسے سماعت اور بصارت عطا کی ہے، تواللہ تعالیٰ کی ذات برکت والی ہے، جو سب سے بہترین خالق ہے۔“ [صحیح ابن حبان/كِتَابُ الصَّلَاةِ/حدیث: 1977]