سیدنا ابوسعید خدری رضی اللہ عنہ بیان کرتے ہیں: جب نبی اکرم صلی اللہ علیہ وسلم ہمارے درمیان موجود تھے، تو ہم صدقہ فطر میں اناج کا ایک صاع یا کھجور کا ایک صاع یا جو کا ایک صاع یا پنیر کا ایک صاع دیا کرتے تھے، یہ معاملہ اسی طرح چلتا رہا، یہاں تک کہ سیدنا معاویہ رضی اللہ عنہ (اپنے عہد حکومت میں) شام سے مدینہ منورہ آئے، انہوں نے اس بارے میں لوگوں سے بات چیت کرتے ہوئے یہ کہا: ”میں یہ سمجھتا ہوں کہ شام کی گندم کے دو مد اس صاع کے برابر ہوتے ہیں“، تو لوگوں نے اس بات کو اختیار کر لیا۔ [صحیح ابن حبان/كِتَابُ الزَّكَاةِ/حدیث: 3305]