سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”منی کے دن کھانے پینے کے دن ہیں۔“ (امام ابن حبان رحمہ اللہ فرماتے ہیں:): نبی اکرم صلی اللہ علیہ وسلم کا یہ فرمان ”منی کے دن کھانے پینے کے دن ہیں“ اس میں لفظی طور پر اس فعل پر عمل کرنے کی اطلاع دی گئی ہے لیکن اس سے مراد اس کے متضاد سے منع کرنا ہے اور وہ متضاد منی کے مخصوص دنوں میں روزہ رکھنا ہے، تو یہاں آپ نے ان ایام میں روزہ رکھنے کی ممانعت کو ان دنوں میں کھانے اور پینے کے حکم کے الفاظ کے ہمراہ مقیر (یعنی بیان) کیا ہے۔ [صحیح ابن حبان/كِتَابُ الصَّوْمِ/حدیث: 3601]

سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”ایام تشریق کھانے پینے اور ذکر کرنے کے دن ہیں۔“ (امام ابن حبان رحمہ اللہ فرماتے ہیں:): نبی اکرم صلی اللہ علیہ وسلم کا یہ فرمان ”کھانے کے دن ہیں۔ یہ لفظی طور پر اطلاع ہے۔ اس سے مراد ایام تشریق میں روزہ رکھنے کی ممانعت ہے، تو نبی اکرم صلی اللہ علیہ وسلم نے ان دنوں میں کھانے کے مباح ہونے کے الفاظ کے ذریعے ان ایام میں روزہ رکھنے سے منع کیا ہے اور یہ ارشاد فرمایا ہے کہ ”کھانے کے دن ہیں“ اور جبکہ نبی اکرم صلی اللہ علیہ وسلم کا یہ فرمان کہ ”ذکر کرنے کے دن ہیں۔“ اس کے ذریعے آپ نے استحباب اور رہنمائی مراد لی ہے۔ [صحیح ابن حبان/كِتَابُ الصَّوْمِ/حدیث: 3602]