سیدنا انس بن مالک رضی اللہ عنہ بیان کرتے ہیں کہ جب سیدہ ام سلیم رضی اللہ عنہا نے بچے کو جنم دیا تو انہوں نے فرمایا: اے انس! تم اس بچے کا دھیان رکھنا، یہ کوئی چیز نہ کھائے جب تک یہ پہلے نبی اکرم صلی اللہ علیہ وسلم کے پاس نہیں جاتا اور آپ صلی اللہ علیہ وسلم اسے گھٹی نہیں دیتے۔ سیدنا انس رضی اللہ عنہ بیان کرتے ہیں: میں اس بچے کو لے کر روانہ ہوا، نبی اکرم صلی اللہ علیہ وسلم اس وقت ایک باغ میں موجود تھے، آپ صلی اللہ علیہ وسلم نے چادر اوڑھی ہوئی تھی اور آپ صلی اللہ علیہ وسلم ان اونٹوں پر نشان لگا رہے تھے جو فتح کے نتیجے میں آپ صلی اللہ علیہ وسلم کے پاس آئے تھے۔ [صحیح ابن حبان/كِتَابُ السِّيَرِ/حدیث: 4532]