سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”تم سے پہلے کسی بھی امت کے لیے مال غنیمت حلال قرار نہیں دیا گیا (پہلے زمانے میں) آسمان کی طرف سے آگ نازل ہوتی تھی اور مال غنیمت کو کھا جاتی تھی۔“ (راوی بیان کرتے ہیں) غزوہ بدر کے موقع پر جب لوگ مال غنیمت پر ٹوٹ پڑے تو اللہ تعالیٰ نے یہ آیت ﴿لَوْلَا كِتَابٌ مِّنَ اللّٰهِ سَبَقَ لَمَسَّكُمْ فِيْمَآ اَخَذْتُمْ عَذَابٌ عَظِيْمٌ﴾ [سورة الأنفال: 68] نازل کی: ”اگر اللہ تعالیٰ کی طرف سے (تقدیر میں) پہلے طے نہ ہو چکا ہوتا تو تم نے جو حاصل کیا اس کی وجہ سے تمہیں عظیم عذاب لاحق ہوتا۔“ [صحیح ابن حبان/كِتَابُ السِّيَرِ/حدیث: 4806]