سیدنا حارثہ بن مضرب رضی اللہ عنہ کے بارے میں یہ بات منقول ہے کہ وہ سیدنا عبداللہ رضی اللہ عنہ کے پاس آئے اور بولے: میرے اور کسی بھی عرب کے درمیان کوئی پوشیدہ دشمنی نہیں ہے، میں بنو حنیفہ کی مسجد کے پاس سے گزرا، وہ لوگ مسیلمہ پر ایمان رکھتے ہیں۔ تو سیدنا عبداللہ رضی اللہ عنہ نے ان لوگوں کی طرف پیغام بھیجا، ان لوگوں کو لایا گیا۔ سیدنا عبداللہ رضی اللہ عنہ نے ان لوگوں سے توبہ کروائی، صرف ابن نواحہ نے توبہ نہیں کی تو سیدنا عبداللہ رضی اللہ عنہ نے اسے کہا: میں نے نبی کریم صلی اللہ علیہ وسلم کو یہ ارشاد فرماتے ہوئے سنا ہے: ”اگر تم قاصد نہ ہوتے تو میں تمہاری گردن اڑا دیتا۔“ (پھر سیدنا عبداللہ رضی اللہ عنہ نے اس سے فرمایا:) آج تم قاصد نہیں ہو۔ سیدنا عبداللہ رضی اللہ عنہ نے سیدنا قرظہ بن کعب رضی اللہ عنہ کو حکم دیا تو انہوں نے بازار میں اس شخص کی گردن اڑا دی، پھر سیدنا عبداللہ رضی اللہ عنہ نے فرمایا: جو شخص ابن نواحہ کو دیکھنا چاہتا ہو وہ اسے بازار میں مقتول پڑا ہوا دیکھ لے۔ [صحیح ابن حبان/كِتَابُ السِّيَرِ/حدیث: 4879]