سیدنا ابوہریرہ رضی اللہ عنہ بیان کرتے ہیں کہ میں اصحابِ صفہ میں شامل تھا۔ نبی اکرم صلی اللہ علیہ وسلم نے ہمیں عجوہ کھجوریں بھیجیں، وہ ہمارے درمیان انڈیل دی گئیں، تو ہم بھوک کی شدت کی وجہ سے دو کھجوریں ایک ساتھ کھانے لگے، ہم میں سے کوئی ایک شخص جب دو کھجوریں ایک ساتھ کھاتا تو وہ اپنے ساتھی سے یہ کہہ دیتا کہ میں دو ایک ساتھ کھا رہا ہوں تو تم بھی دو دو ایک ساتھ کھاؤ۔ [صحیح ابن حبان/كِتَابُ الأَطْعِمَةِ/حدیث: 5233]