جبلہ بن سہیم بیان کرتے ہیں: سیدنا عبداللہ بن عمر رضی اللہ عنہما ہمارے پاس سے گزرے تو انہوں نے فرمایا: تم (دو کھجوریں) ملا کر نہ کھاؤ کیوں کہ نبی اکرم صلی اللہ علیہ وسلم نے (دو کھجوریں) ایک ساتھ ملا کر کھانے سے منع کیا ہے البتہ اگر آدمی اپنے بھائی سے اجازت حاصل کر لے (تو حکم مختلف ہے) [صحیح ابن حبان/كِتَابُ الأَطْعِمَةِ/حدیث: 5231]

سیدنا عبدالله بن عمر رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں: ”جو شخص لوگوں کے ساتھ کھجوریں کھا رہا ہو وہ دو کھجوریں ایک ساتھ نہ کھائے اگر وہ ایسا کرنے کا ارادہ کرتا ہے تو اسے ان سے اجازت لینی چاہئے اگر وہ اسے اجازت دے دیں تو ایسا کرے۔“ [صحیح ابن حبان/كِتَابُ الأَطْعِمَةِ/حدیث: 5232]