سیدنا سہل بن سعد رضی اللہ عنہ بیان کرتے ہیں کہ ہم نبی اکرم صلی اللہ علیہ وسلم کی اقتداء میں جمعہ کی نماز ادا کرتے تھے، اس کے بعد قیلولہ کیا کرتے تھے۔ ہمارے ہاں ایک خاتون تھی، وہ اپنے کھیت میں چقندر بویا کرتی تھی، جب جمعہ کا دن آتا تھا تو وہ چقندر کی جڑیں اتار لیتی تھی اور اسے ہنڈیا میں پکاتی تھی۔ اس میں مٹھی بھر جو ڈال کر انہیں بھون لیتی تھی، تو اس کا سالن بن جایا کرتا تھا۔ سیدنا سہل رضی اللہ عنہ کہتے ہیں کہ ہم جمعہ کی نماز پڑھنے کے بعد اس خاتون کے پاس واپس جاتے تھے، اسے سلام کرتے تھے تو وہ وہ کھانا ہمارے آگے کر دیتی تھی جسے ہم کھایا کرتے تھے۔ اس کے اس کھانے کی وجہ سے ہم جمعہ کا دن (جلدی آنے کے) آرزو مند ہوتے تھے۔ [صحیح ابن حبان/كِتَابُ الأَطْعِمَةِ/حدیث: 5307]