سیدنا ابوسعید خدری رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”سیدنا موسیٰ علیہ السلام نے عرض کی: اے میرے پروردگار تو مجھے کسی ایسی چیز کے بارے میں تعلیم دے جس کے ذریعے میں تیرا ذکر کروں، جس کے ہمراہ میں تجھ سے دعا کروں، تو اللہ تعالیٰ نے فرمایا: اے موسیٰ تم یہ پڑھو۔ اللہ تعالیٰ کے علاوہ اور کوئی معبود نہیں ہے۔ سیدنا موسیٰ علیہ السلام نے عرض کی: اے میرے پروردگار تیرے سارے بندے یہ کلمہ پڑھتے ہیں تو اللہ تعالیٰ نے فرمایا: تم لا الہ الا اللہ پڑھو، سیدنا موسیٰ علیہ السلام نے عرض کی: میں یہ چاہتا ہوں کہ کوئی ایسی چیز ہو جو میرے ساتھ خاص ہو، اللہ تعالیٰ نے فرمایا: اے موسیٰ اگر سات آسمانوں کے رہنے والے اور سات زمینوں کے رہنے والے لوگ ایک پلڑے میں ہوں اور لا الہ الا اللہ دوسرے پلڑے میں ہو، تو لا الہ الا اللہ والا پلڑا جھک جائے گا۔“ [صحیح ابن حبان/كِتَابُ التَّارِيخِ/حدیث: 6218]