سیدہ عائشہ صدیقہ رضی اللہ عنہا بیان کرتی ہیں کہ نبی اکرم صلی اللہ علیہ وسلم نے ارشاد فرمایا: ”جس شخص سے حساب لیا جائے گا، اس کو عذاب دیا جائے گا۔“ سیدہ عائشہ رضی اللہ عنہا بیان کرتی ہیں کہ میں نے عرض کی: یا رسول اللہ! (ارشاد باری تعالیٰ ہے) ﴿جس شخص کا نامہ اعمال اس کے دائیں ہاتھ میں دیا جائے گا، اس شخص سے آسان حساب لیا جائے گا﴾ [سورة الانشقاق: 7-8] ۔ نبی اکرم صلی اللہ علیہ وسلم نے فرمایا: ”اس سے مراد پیشی ہے، ورنہ قیامت کے دن جس بھی شخص سے حساب لیا جائے گا، وہ ہلاکت کا شکار ہو جائے گا۔“ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7369]