سیدنا ابن عباس رضی اللہ عنہما بیان کرتے ہیں کہ ایک اعرابی نبی کریم صلی اللہ علیہ وسلم کے پاس آیا اور عرض کیا: میں نے آج رات چاند دیکھا ہے، آپ صلی اللہ علیہ وسلم نے پوچھا: ”کیا تم اس بات کی گواہی دیتے ہو کہ اللہ کے سوا کوئی سچا معبود نہیں اور محمد اللہ کے بندے اور اس کے رسول ہیں؟“ اس نے عرض کیا: جی ہاں، آپ صلی اللہ علیہ وسلم نے فرمایا: ”اے بلال! کھڑے ہو جاؤ اور لوگوں میں اعلان کر دو کہ وہ روزہ رکھیں۔“
امام بخاری نے عکرمہ سے اور امام مسلم نے سماک سے احتجاج کیا ہے، اور یہ صحیح الاسناد حدیث فقہاء کے درمیان مروّج ہے، لیکن شیخین نے اسے روایت نہیں کیا۔ [المستدرك على الصحيحين/كِتَابُ صَلَاةِ الْعِيدَيْنِ/حدیث: 1116]