ہند بنت حارث، ام الفضل رضی اللہ عنہا سے روایت کرتی ہیں کہ رسول اللہ صلی اللہ علیہ وسلم ان کے پاس تشریف لائے اور رسول اللہ صلی اللہ علیہ وسلم کے چچا سیدنا عباس رضی اللہ عنہ بیمار تھے، تو سیدنا عباس رضی اللہ عنہ نے موت کی تمنا کی، اس پر رسول اللہ صلی اللہ علیہ وسلم نے ان سے فرمایا: ”اے چچا! موت کی تمنا نہ کریں، کیونکہ اگر آپ نیکوکار ہیں تو آپ کو مہلت دی جائے گی تاکہ آپ اپنی نیکی میں مزید نیکی کا اضافہ کریں جو آپ کے لیے بہتر ہے، اور اگر آپ گنہگار ہیں تو آپ کو مہلت دی جائے گی تاکہ آپ اپنے گناہوں سے توبہ کریں جو آپ کے لیے بہتر ہے، پس موت کی تمنا نہ کریں۔“
یہ حدیث شیخین کی شرط پر صحیح ہے لیکن انہوں نے اسے ان الفاظ کے ساتھ روایت نہیں کیا، انہوں نے قیس کی خباب سے مروی اس حدیث پر اتفاق کیا ہے کہ: ”اگر رسول اللہ صلی اللہ علیہ وسلم نے ہمیں موت کی تمنا کرنے سے منع نہ فرمایا ہوتا تو میں ضرور اس کی تمنا کرتا۔“ [المستدرك على الصحيحين/كِتَابُ الْجَنَائِزِ/حدیث: 1269]