سیدنا ابووائل رضی اللہ عنہ سے روایت ہے کہ ایک شخص سیدنا علی رضی اللہ عنہ کی خدمت میں حاضر ہوا اور کہنے لگا: بدلِ کتابت ادا کرنے میں آپ میری مدد فرمائیں۔ آپ صلی اللہ علیہ وسلم نے فرمایا: کیا میں تمہیں وہ کلمات نہ سکھا دوں جو رسول اللہ صلی اللہ علیہ وسلم نے مجھے سکھائے تھے (ان کی شان یہ ہے) کہ اگر جبلِ صبیر کے برابر بھی تیرے ذمہ قرضہ ہو گا تو اللہ تعالیٰ وہ بھی تیری طرف سے ادا کر دے گا۔ یوں دعا مانگا کر: اللّٰھمّ اکفنی بحلالک عن حرامک، واغننی بفضلک عمّن سواک ” اے اللہ! تو اپنے حلال رزق کے ساتھ مجھے حرام سے بچا لے اور اپنے فضل سے اپنے ماسوا سے غنی کر دے “ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 1994]