سیدنا ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: سورۃ البقرہ میں ایک آیت ہے جو سیدالقرآن ہے، جس گھر میں یہ پڑھی جائے گی اس میں اگر جنات شیاطین ہوں تو وہ بھاگ جائیں گے، وہ آیت ” آیۃ الکرسی “ ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا، امام بخاری رحمۃ اللہ علیہ اور امام مسلم رحمۃ اللہ علیہ نے حکیم بن جبیر کی روایات اس لیے نقل نہیں کیں کہ یہ روایات میں کمزور تھے۔ بلکہ اس لیے کہ یہ شیعہ مذہب کے بہت سخت پیروکار تھے۔ [المستدرك على الصحيحين/كِتَابُ فَضَائِلِ الْقُرْآنِ/حدیث: 2082]

سیدنا عبداللہ بن مسعود رضی اللہ عنہ فرماتے ہیں: ہر شئے کی کوہان ہوتی ہے اور قرآن کی کوہان سورۂ بقرہ ہے اور شیطان جس گھر میں سورۂ بقرہ کی تلاوت سنتا ہے وہاں سے بھاگ جاتا ہے۔ ٭٭ یہ حدیث صحیح الاسناد ہے اور اسی جیسی ایک سند کے ہمراہ یہ حدیث مرفوعاً بھی منقول ہے۔ جس کی سند درج ذیل طریقہ سے ہے:” اَخْبَرَنَا اَبُو سَعِیْدٍ اَحْمَدُ بْنُ یَعْقُوْبَ الثَّقَفِیُّ ثَنَا عَبْدُاللّٰہِ بْنُ اَحْمَدَ بْنِ عَبْدِ الرَّحْمٰنِ الدَّشْتَکِیُّ، ثَنَا اَبِی، ثَنَا عَمْرُو بْنُ اَبِی قَیْسٍ، عَنْ عَاصِمٍ، عَنْ اَبِی الْاَحْوَصِ عَنْ عَبْدِاللّٰہِ عَنِ النَّبِیِّ صَلَّی اللّٰہُ عَلَیْہِ وَسَلَّمَ “۔ [المستدرك على الصحيحين/كِتَابُ فَضَائِلِ الْقُرْآنِ/حدیث: 2083]

سیدنا عبداللہ (بن مسعود) رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: (امام حاکم فرماتے ہیں:) ہمیں یہ حدیث ابو سعید احمد بن یعقوب الثقفی نے بیان کی، انہوں نے عبداللہ بن احمد بن عبدالرحمن الدشتکی سے، انہوں نے اپنے والد سے، انہوں نے عمرو بن ابی قیس سے، انہوں نے عاصم سے اور انہوں نے ابوالاحوص کے واسطے سے سیدنا عبداللہ بن مسعود رضی اللہ عنہ سے روایت کی۔ [المستدرك على الصحيحين/كِتَابُ فَضَائِلِ الْقُرْآنِ/حدیث: 2084]