سیدنا عمرو بن العاص رضی اللہ عنہ فرماتے ہیں، رسول اللہ صلی اللہ علیہ وسلم نے مجھے بلوایا، میں آپ کی خدمت میں حاضر ہوا تو آپ صلی اللہ علیہ وسلم نے فرمایا: تیاری کر کے جنگلی ساز و سامان سے لیس ہو کر میرے پاس آؤ۔ (عمرو بن العاص رضی اللہ عنہ) فرماتے ہیں: میں تیاری کر کے آپ کی خدمت میں آ گیا۔ اس وقت آپ صلی اللہ علیہ وسلم وضو کر رہے تھے، آپ صلی اللہ علیہ وسلم نے نگاہ اٹھا کر میری جانب دیکھا پھر آنکھیں جھکا کر بولے: اے عمرو! میں آپ کو ایک لشکر کا سپہ سالار بنا کر بھیجنا چاہتا ہوں تاکہ اللہ تعالیٰ مجھے مالِ غنیمت (بھی) دے اور تجھے سلامتی (بھی) دے اور میں تیرے لیے پاک صاف مال کی دلچسپی رکھتا ہوں (سیدنا عمرو رضی اللہ عنہ) بولے: یا رسول اللہ صلی اللہ علیہ وسلم میں نے مال کی خواہش میں تو اسلام قبول نہیں کیا ہے بلکہ میں تو اسلام میں دلچسپی کی وجہ سے مسلمان ہوا ہوں اور رسول اللہ صلی اللہ علیہ وسلم کی سنگت اختیار کرنے کے لیے مسلمان ہوا ہوں۔ آپ صلی اللہ علیہ وسلم نے فرمایا: نیک آدمی کے لیے حلال مال ایک نعمت ہے۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن اسے صحیحین میں نقل نہیں کیا گیا۔ تاہم امام بخاری رحمۃ اللہ علیہ اور امام مسلم رحمۃ اللہ علیہ نے طلب مال کے جواز میں سیدنا ابوسعید خدری رضی اللہ عنہ سے مروی یہ حدیث نقل کی ہے ” جو شخص اپنا حق لیتا ہے تو یہ بہت ہی اچھی مدد ہے “۔ [المستدرك على الصحيحين/كِتَابُ: الْبُيُوعِ/حدیث: 2159]