سیدنا عرباض بن ساریہ رضی اللہ عنہ فرماتے ہیں: میں نے رسول اللہ صلی اللہ علیہ وسلم کو ایک جوان گائے بیچی۔ پھر میں اس کی قیمت لینے کے لیے آپ صلی اللہ علیہ وسلم کے پاس آیا اور عرض کی، یا رسول اللہ! میری گائے کی رقم ادا کر دیجیے۔ آپ صلی اللہ علیہ وسلم نے فرمایا: ہاں! میں اسی وقت تجھے ادائیگی کروں گا۔ پھر آپ صلی اللہ علیہ وسلم نے مجھے ادائیگی کی اور بہت اچھی ادائیگی کی۔ پھر آپ کے پاس ایک دیہاتی آیا اور کہنے لگا: یا رسول اللہ صلی اللہ علیہ وسلم ! میری گائے دیجیے تو آپ صلی اللہ علیہ وسلم نے فوراً اس کو دے دی۔ اس نے کہا: یا رسول اللہ صلی اللہ علیہ وسلم ! یہ تو میری گائے سے بہت اچھی گائے ہے۔ آپ صلی اللہ علیہ وسلم نے فرمایا: یہ تیری ہی ہے۔ قوم میں بہترین شخص وہ ہوتا ہے جو سب سے اچھا فیصلہ کرنے والا ہوتا ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ: الْبُيُوعِ/حدیث: 2260]