سیدنا عبداللہ بن مسعود رضی اللہ عنہ بیان کرتے ہیں، بدر کے دن ہم لوگ ایک ایک اونٹ پر تین تین آدمی باری باری سوار ہوتے تھے، سیدنا علی رضی اللہ عنہ اور ابولبابہ رضی اللہ عنہ رسول اللہ صلی اللہ علیہ وسلم کے سنگتی تھے، جب رسول اللہ صلی اللہ علیہ وسلم کی پیدل چلنے کی باری آتی تو سیدنا علی رضی اللہ عنہ اور ابولبابہ رضی اللہ عنہ عرض کرتے، آپ سوار رہیں، ہم پیدل چلتے رہیں گے۔ تو آپ صلی اللہ علیہ وسلم فرماتے: میں تم دونوں سے ثواب سے زیادہ مستغنی نہیں ہوں اور تم دونوں پیدل چلنے میں مجھ سے زیادہ طاقتور نہیں ہو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ: الْجِهَادِ/حدیث: 2484]